Pehla demo class bilkul muft — fee pehle se pata, koi chhupi hui charge nahi.

Terms & Conditions

Aakhri update: November 2026 · Ustaad, Hyderabad, Pakistan

1. Ustaad kya hai

Ustaad ek marketplace hai jo Hyderabad ke parents/students ko verified tutors se milata hai. Hum tutors ko mulazim nahi rakhte — har tutor khud-mukhtaar (self-employed) hai aur apne tax aur qanooni zimmedariyon ka khud zimmedaar hai.

2. Parents ke liye

  • Parents/students se koi fee nahi li jati — kabhi bhi.
  • Har tutor ke saath pehla demo class muft hai. Demo ke baad faisla aapka hai.
  • Fee, timing aur jagah aap aur tutor mil kar tay karte hain. Final fee tutor ki profile par likhi range ke andar honi chahiye.
  • Tutors ke saath izzat se pesh aayein. Kisi bhi bad-tameezi ki shikayat par hum jaanch kar ke account band kar sakte hain.

3. Tutors ke liye — verification

  • Profile banana muft hai.
  • Verification ke liye one-off Rs 2,000 fee hai, jo bank transfer se pay karni hoti hai. Verification ke baad hi profile search me nazar aata hai.
  • Verification ke liye CNIC aur taleemi sanad ki tasveer deni hoti hai, aur ek chhota sa interview hota hai.
  • Ghalat maloomat dene par verification reject ho sakti hai aur account band ho sakta hai.

4. Tutors ke liye — service fee

  • Har nayi tuition par, pehle mahine ki asal fee ka 10% service charge hota hai — sirf pehle mahine ka, ek dafa.
  • Service fee pehli payment milne ke 48 ghante ke andar bank transfer se pay karni hoti hai.
  • Service fee hamesha asal tay shuda fee par hoti hai, andaze par nahi.

5. Demo classes aur engagements

  • Tutor demo class ki koi fee nahi lega. Ek se zyada muft demo dena tutor ki marzi hai, farz nahi.
  • Engagement tay ho jane ke baad wo parent aur tutor ke darmiyan direct hoti hai. Agar koi masla ho to pehle aapas me hal karne ki koshish karein, phir hamari team se rabta karein — hum jaanch kar ke faisla karenge.

6. Refund policy (verification fee)

  • Agar verified tutor ko 6 mahine me koi demo/engagement na mile aur us ne kam se kam 20 tuition requests par apply kiya ho, to 50% refund milega.
  • 30 ya zyada applications par bhi koi demo na mile to 100% refund milega.
  • 20 se kam applications, ghalat maloomat, ya terms ki khilaf-warzi par refund nahi milega.

7. Zimmedari ki had

Hum verification aur matching me poori koshish karte hain, lekin tuition engagement ke dauran hone wale kisi bhi nuksaan ya ikhtilaaf ke hum zimmedaar nahi. Masla ho to hamari team sulah ki koshish karegi, lekin aakhri faisla fareeqain ka hai.

8. Tabdeeli

Terms me tabdeeli ho to hum is page par update karenge aur users ko batayenge. Tabdeeli ke baad service istemal karna naye terms se agree karna hai.

Sawal ho to rabta karein: 0devmazhar@gmail.com · WhatsApp 0318 3656365.